Dövlət Dəniz və Liman Agentliyinin İnsan resursları departamenti qurumun “Bakı KOB evi”ndə  vətəndaş qəbulu prosesində iştirak edən əməkdaşları üçün “Vətəndaş qəbulu və ünsiyyət standartları” mövzusunda maarifləndirici təlim təşkil edib.

Məqsəd vətəndaş qəbulu prosesində əməkdaşların xidmət standartlarına riayət etmələri,  ünsiyyət zamanı peşəkar, etik, nəzakətli davranmaları, müraciətləri düzgün qəbul edib cavablandırmaları, həmçinin vətəndaş məmnuniyyətinin təmin olunması istiqamətində zəruri bilik və bacarıqlarının artırılmasıdır.

Təlim proqramı çərçivəsində bir sıra istiqamətlər üzrə məlumat və praktik yanaşmalar təqdim edilib.

Eyni zamanda iştirakçılarla interaktiv müzakirələr aparılıb, real nümunələr əsasında qərarvermə, düzgün reaksiyavermə və vətəndaşlarla peşəkar ünsiyyət qurma bacarıqlarının gücləndirilməsinə xüsusi diqqət yetirilib