Dövlət Dəniz və Liman Agentliyinin kollektivi Xocalı soyqırımı abidəsini ziyarət edib. 

  Dövlət Dəniz və Liman Agentliyini rəhbərliyi və kollektivi Xocalı soyqırımının 32-ci ildönümü ilə əlaqədar faciə qurbanlarının xatirəsinə ucaldılmış “Ana harayı” abidəsini ziyarət edib, önünə gül dəstələri düzərək faciə qurbanlarının əziz xatirəsini ehtiramla yad ediblər.

  Azərbaycan xalqına qarşı törədilmiş bu kütləvi qırğın- Xocalı soyqırımı bəşər tarixində insanlıq əleyhinə törədilmiş ən ağır cinayətlərdəndir. Lakin düşmənin bu zorakılığı və dinc əhaliyə qarşı növbəti vandalizmi də xalqımızın mübarizə əzmini qıra bilmədi. Böyük qürur və fərəh hissi ilə qeyd etməliyik ki, Müzəffər Ali Baş Komandan İlham Əliyevin rəhbərliyi ilə rəşadətli ordumuzun qəhrəmanlığı nəticəsində dövlətimizin suverenliyi tam bərpa olundu. Bu gün Xocalıda qürurla dalğalanan üçrəngli bayrağımız haqq-ədalətin təntənəsini, soyqırım qurbanlarının qanının yerdə qalmadığını bir daha bütün dünyaya bəyan etdi.