Dövlət Dəniz və Liman Agentliyində 12 Noyabr – Azərbaycan Respublikasının Konstitusiya Günü münasibətilə tədbir keçirilib.

Agentliyin İdarə heyətinin sədri vəzifəsini müvəqqəti icra edən Əfqan Cəlilov iştirakçıları əlamətdar gün münasibətilə təbrik edib. O, çıxışında Azərbaycan Respublikası Konstitusiyasının dövlət quruculuğu prosesində, vətəndaş hüquq və azadlıqlarının təminində, habelə ölkənin siyasi, iqtisadi və sosial inkişafında oynadığı mühüm roldan bəhs edib.

Tədbir çərçivəsində Konstitusiyada əksini tapan dövlətçilik, suverenlik və vətəndaş hüquqları prinsiplərinin müasir dövrdə həyata keçirilməsi, eləcə də bu prinsiplərin rəqəmsallaşma, nəqliyyat sahələrində, texnoloji yeniliklərdə təzahürünə dair təqdimat keçirilib. Təqdimatda Konstitusiyanın müddəalarının ölkənin iqtisadi inkişaf strategiyasına və rəqəmsal transformasiya proseslərinə təsiri barədə məlumatlar diqqətə çatdırılıb.

Həmçinin iştirakçılara Azərbaycan dövlətçiliyinin əsaslarını möhkəmləndirən hüquqi islahatlar, sosial rifahın artırılmasına yönələn proqramlar və innovativ idarəetmə modelləri barədə məlumat verilib.