Dənizçilərə sertifikatların (diplomların) və xüsusi hazırlıq şəhadətnamələrinin verilməsi üzrə keçirilən imtahanların nəticələrinə dair verilən şikayətlərə baxılması üzrə Apellyasiya Komissiyası haqqında

ƏSASNAMƏ

1. Ümumi müddəalar

1.1 “Dənizçilərə sertifikatların (diplomların) və xüsusi hazırlıq şəhadətnamələrinin verilməsi üzrə keçirilən imtahanların nəticələrinə dair verilən şikayətlərə baxılması üzrə Apellyasiya Komissiyası haqqında Əsasnamə” (bundan sonra – Əsasnamə) Azərbaycan Respublikası Prezidentinin 2021-ci il 11 oktyabr tarixli 1462 nömrəli Fərmanı ilə təsdiq edilmiş “Dövlət Dəniz və Liman Agentliyinin Nizamnaməsi”nə, Azərbaycan Respublikası Dövlət Dəniz Administrasiyasının Kollegiyasının 2013-cü il 27 fevral tarixli Q/01 nömrəli Qərarı ilə təsdiq edilmiş “Azərbaycan Respublikasının nəqliyyat donanması gəmilərində heyət üzvlərinin sertifikatlaşdırılması haqqında Əsasnamə”yə və “Dənizçilərin hazırlanmasına, onlara diplom verilməsinə və növbə çəkməyə dair” 1978-ci il tarixli, əlavələr edilmiş Beynəlxalq Konvensiyaya əsasən hazırlanmışdır.

1.2. Bu Əsasnamə Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində Dövlət Dəniz və Liman Agentliyində (bundan sonra – Agentlik) dənizçilərə sertifikatların (diplomların) və xüsusi hazırlıq şəhadətnamələrinin verilməsi üzrə keçirilən imtahanların nəticələrinə dair verilən şikayətlərə baxılması və müvafiq qərarın qəbul edilməsi qaydalarını müəyyən edir.

2. Apellyasiya şikayətinin verilməsi

2.1. Dənizçilər imtahan verdiyi gündən 3 iş günü müddətində Agentlik tərəfindən keçirilən imtahanlardan aşağıdakı hallarda Apellyasiya komissiyasına şikayət ilə müraciət etmək hüququna malikdirlər:

2.2. Şikayət etmədən əvvəl dənizçinin öz imtahan protokolları ilə tanış olmaq və Agentiyin əməkdaşlarından müvafiq izahlar almaq hüququ vardır.

2.3. Şikayət yazılı formada şəxsən şikayətçi tərəfindən verilir.

2.4. Şikayətin nəticəsi ilə bağlı Agentlik tərəfindən müvafiq qərar qəbul edilməsi barədə məlumatlandırılandan sonra şikayətçi növbəti dəfə həmin imtahana buraxılır.

2.5. Şikayətçi Apellyasiya komissiyasının iclası zamanı səsvermə prosesinin başlamasına qədər şikayətini geri götürə bilər.

3. Apellyasiya komissiyasının fəaliyyətinin təşkili

3.1. Apellyasiya Komissiyası (bundan sonra – Komissiya) öz fəaliyyətini qanunçuluq, obyektivlik, şəffaflıq, qərəzsizlik və hesabatlılıq prinsipləri əsasında qurur.

3.2. Komissiyanın vəzifələri aşağıdakılardır:

3.3. Komissiya öz vəzifələrini yerinə yetirmək üçün aşağıdakı hüquqlara malikdir:

3.4. Agentliyin qərarı ilə Komissiya aşağıdakı tərkibdə müəyyən edilir:
- Komissiyanın sədri;
- Komissiyanın katibi;
- Komissiyanın digər üzvləri.

3.5. Komissiyanın sədri Komissiyanın işini təşkil edir və ona rəhbərliyi həyata keçirir.

3.6. Komissiyanın katibi:

3.7. Bu Əsasnamənin 3.4-cü bəndində göstərilən Komissiya üzvlərinin hər biri araşdırmada və səsvermədə iştirak edirlər.

4. Apellyasiya komissiyasının iclası

4.1. Komissiyanın iclası ən azı 1 (bir) apellyasiya şikayəti olduqda 1 (bir) təqvim ayı üzrə ən azı 1 (bir) dəfə keçirilir.

4.2. Komissiya iclasınsa ən çoxu 10 (on) apellyasiya şikayətinə baxılır.

4.3. İclasın gündəliyi iclasın təyin edildiyi gündən 3 (üç) iş günü əvvəl Komissiya üzvlərinə çatdırılır.

4.4. İclasın təyin edildiyi tarix və vaxt barədə iclasın təyin edildiyi gündən 3 (üç) iş günü əvvəl şikayətçilərə məlumat verilir.

4.5. Komissiyanın iclasları onun üzvlərinin azı üçdə ikisi iştirak etdikdə baş tutmuş sayılır.

4.6. Hər hansı komissiya üzvü iclasda iştirak edə bilmədikdə Komissiyanın sədrinin razılığı ilə onu Agentliyin digər əməkdaşı əvəz edə bilər. Bu barədə Komissiyanın iclas protokolunda müvafiq qeyd aparılır.

4.7. Komissiyanın gündəliyinə daxil edilmiş şikayətlərlə bağlı bütün dəlillər Komissiya üzvləri tərəfindən müzakirə edilir və hər bir məsələyə ayrıca münasibət bildirilir.

4.8. Komissiya üzvləri imtahan mahiyyəti üzrə şikayətçiyə apellyasiya şikayətinin predmetindən kənar suallar vermir, onun bilik, bacarıq və səriştəsini qiymətləndirmir.

4.9. Komissiyanın iclaslarında qərarlar açıq səsvermə yolu ilə iclasda iştirak edən üzvlərin sadə səs çoxluğu ilə qəbul edilir. Səslər bərabər olduqda, Komissiya sədri həlledici səsə malik olur.

4.10. Komissiyanın iclaslarında iştirak edən şikayətçi, mütəxəssis, tərcüməçi və digər əlaqəli şəxslər səsvermədə iştirak etmirlər.

4.11. Səsvermə nəticələri əsasında Komissiyanın qərarı iclasda Komissiyanın sədri tərəfindən açıqlanır.

4.12. Komissiyanın müvafiq qərarı, iclas protokolu və (və ya) təqdimatı komissiya katibi tərəfindən 5 (beş) iş günü müddətində Agentliyin İdarə Heyətinin sədrinə təqdim olunur.

4.13. Komissiyanın iclaslarının və gündəliyinə daxil edilmiş şikayətlərin müzakirəsinin video çəkilişi həyata keçirilir və ən azı 6 (altı) ay müddətində saxlanılır.

4.14. İclasda iştirak etməmiş şikayətçinin apellyasiya şikayəti baxılmamış saxlanılır.

5. Apellyasiya komissiyasının iclas protokolları və qərarları

5.1. Komissiyanın iclaslarının nəticəsi katib tərəfindən tərtib edilən və Komissiya üzvləri tərəfindən imzalanmış iclas protokolunda əks olunmaqla rəsmiləşdirilir.

5.2. Komissiyanın iclas protokolunda aşağıdakılar göstərilməlidir:
- iclasın keçirildiyi tarix və yer;
- müzakirə edilməsi üçün gündəliyə daxil edilmiş apellyasiya şikayətinin predmeti, qısa məzmunu və əsasları;
- iclasda iştirak edən şəxslərin çıxışları;
- Komissiyanın daxil olmuş şikayətlə bağlı topladığı sübutlar, gəldiyi nəticələr, aidiyyəti hüquqi aktlara istinad.

5.3. Komissiya icraatına daxil olan şikayətlər üzrə aparılan araşdırmanın nəticəsi olaraq şikayətin təmin edilib-edilməməsi barədə qərar qəbul edir və Agentliyin İdarə Heyətinin sədrinə aşağıda qeyd edilənlər əks edilməklə xidməti məktub ilə təqdim edir:

5.4. Komissiyanın qərarı əsaslandırılmış şəkildə tərtib olunmalı və işin bütün hallarını özündə əks etdirməlidir.

5.5. Bu Əsasnamənin 5.3.1-ci bəndində göstərilən təqdimat aşağıdakılar barədə verilə bilər:
- şikayətçinin imtahan nəticələrində dəyişiklik edilməsi (səhv tərtib edilmiş sualın düzgün cavab kimi qəbul edilməsi, ləğv edilmiş nəticələrin bərpa edilməsi və s.) barədə;
- şikayətçinin ödənişsiz qaydada yenidən növbəti imtahanda iştirak etməsi barədə;
- imtahanın nəticələrinin olduğu kimi saxlanılması barədə.

6. Yekun müddəalar

6.1. Komissiya heç bir halda apellyasiya şikayətinin predmetindən kənar qərar qəbul edə bilməz.

6.2. Komissiyanın qərar və təqdimatları Agentliyin İdarə Heyətinin sədri və ya İdarə Heyəti tərəfindən qəbul edilən sərəncamverici sənəd üçün əsasdır.

6.3. Bu Əsasnamənin tələblərinin yerinə yetirilməməsi və (və ya) pozulmasına görə Komissiya üzvləri intizam məsuliyyəti daşıyırlar.

Qeyd: Əsasnamə Dövlət Dəniz və Liman Agentliyinin 03 oktyabr 2024-cü il tarixli 3-27-106/3-2-353/2024 nömrəli Əmri ilə təsdiq edilmişdir.